Psalmet 84

Mjeshtrit të korit. Për Gititin. Psalm i bijve të Korahut.

Sa të dashura janë banesat e tua,

Zot i ushtrive!

Përmallohet e këputet shpirti im

për oborret e Perëndisë,

ngazëllen zemra ime e trupi im

për Perëndinë e gjallë.

Edhe trumcaku e gjen strehën e vet,

dallëndyshja folenë, për të vënë zogjtë,

tek altarët e tu, o Zot i ushtrive,

o mbreti im dhe Perëndia im.

Lum ata që banojnë në shtëpinë tënde

e të lavdërojnë përgjithmonë. selah

Lum ata, që e gjejnë forcën te ti

dhe kanë për zemër shtegtimin.

Teksa kalojnë nëpër luginën e Bakasë,

e shndërrojnë në vend burimesh

dhe shiu i parë e mbulon me bekime.

Ecin e bëhen gjithnjë e më të fortë

dhe dalin para Perëndisë në Sion.

Zot, Perëndi i ushtrive, dëgjoje lutjen time,

mba vesh, o Perëndi i Jakobit. selah

10 Shiko, o Perëndi, mburoja jonëi,

vështroje fytyrën e të vajosurit tënd.

11 Një ditë në oborret e tua

është më mirë se një mijë ditë gjetiu.

Më mirë në pragun e shtëpisë së Perëndisë tim,

sesa në tendat e të paudhëve.

12 Se diell e shqyt është Zoti Perëndi,

Zoti është dhuruesi i hirit e lavdisë.

Ai nuk ua mohon të mirat

atyre që jetojnë me ndershmëri.

13 Zot i ushtrive,

lum njeriu që te ti beson.


 i84.10 të tjerë: mburojën tonë